Қазақстандағы инфляция 2022 жылы 14%-ға жетуі мүмкін: сарапшылар болжамы

Қазақстан қаржыгерлер қауымдастығының (ҚҚҚ) талдау орталығы 2022 жылғы сәуір айында кейбір көрсеткіштер бойынша қаржы нарығының кәсіби қатысушылары арасында кезекті сауалнама нәтижелерін жариялады.

«Жаһандық нарықтардағы құбылмалылықтың артуы, геосаяси шиеленістің сақталуы және АҚШ Федералдық резерв жүйесінің ақша-несие саясатын қатаңдатуына байланысты дамушы елдердің активтерінен инвесторлардың жаһандық түрде кетуі аясында, ұлттық валютаның бағамына қатысты сарапшылардың болжамы қалыпты деңгейде теріс күйінде қалуда», — делінген шолуда.

Ел ішінде (наурызда 12,0%-ға дейін) және негізгі сауда әріптестерінде байқалып отырған инфляцияның өсуі аясында, бір жылдан кейін күтілетін инфляцияның орташа бағасы 9,4%-ға (бұған дейін 8,3%) дейін өсті. Декларацияланған инфляцияға қарсы шараларды іске асыру инфляцияны бір жылдан кейін болжанған 8-10% диапазонына қайтаруға мүмкіндік беруі мүмкін.

Жаһандық инфляцияның өсу қарқынының жеделдеуі, энергия ресурстарын жеткізудегі үзілістер және пайыздық мөлшерлемелердің жоғарылауы 2022 жылы экономикалық өсімді баяулатуы мүмкін.

Fitch бағалауы бойынша, әлемдік экономиканың өсуі алдыңғы 4,2% болжамымен салыстырғанда 3,5%-ды құрайды. 2022 жылға арналған ҚР ӘЭДЖ нақтыланған болжамы аясында Қазақстан ЖІӨ өсімі 3,9%-дан 2,1%-ға дейін төмендетілді. Осыған байланысты еліміздің ЖІӨ өсімі бойынша сарапшылардың бір жылдан кейінгі болжамы бұрынғы 3,4%-дан 3,1%-ға дейін төмендеді.

Дереккөз: Kapital.kz

PKF Меншікті бағалау 2012 жылдан бері EIU талдау агенттігімен ынтымақтасып, олардың талдауын клиенттердің бизнесін дамыту мен қаржылық модельдерді құру үшін пайдаланады.

2022 жылғы сәуірдегі мәліметтер бойынша, биылғы жылға инфляция болжамы – 14%, ал АҚШ долларының орташа жылдық бағамы 447,4 теңге деңгейінде қалыптасады.

✅ Егер сіз бизнесіңізді сатқыңыз немесе сатып алғыңыз келсе, не қаржыландыру тартқыңыз келсе, экономикалық тұрғыдан негізделген шешім қабылдаудың басты қадамдарының бірі – кәсіби бағалаушыны тарту.

✅ PKF Меншікті бағалау компаниясының сарапшылар тобы қазақстандық және халықаралық стандарттар бойынша бизнесті, активтерді, жылжымалы және жылжымайтын мүлікті, акцияларды, зияткерлік меншікті және материалдық емес активтерді тәуелсіз бағалауды жүргізеді.

Сұрақтарыңыз бар ма? Жауап беруге дайынбыз. Төмендегі форманы толтырыңыз, біз сізбен жақын арада хабарласамыз.