Адами капитал: бизнес бағалауда бағаланбай отырған актив

Адами капитал – барлық материалдық емес активтер құрылатын негіз, бірақ оның құнын қалыптастыру процесін түсіну және оны өлшеу басқа материалдық емес активтермен салыстырғанда әлдеқайда аз зерттелген.

Қазіргі үрдістер адам капиталы арқылы құн қалыптастыру түсінігін өзгертті. Бұрын ол басқаруды қажет ететін шығын ретінде қарастырылса, бүгінде ол инвестиция салуға болатын актив ретінде қабылданады.

Бүгінде активтер мен бизнесті сатып алу мәмілелерінде адам капиталына қол жеткізу шешуші фактор болып отырғанын байқауға болады.

Сәйкесінше, инвесторлар немесе бизнес сатып алушылар адам капиталын және оның компания құнына әсерін бағалау үшін көбірек ақпаратқа мұқтаж.

Халықаралық бағалау стандарттары кеңесінің (IVSC) жаңа материалында адам капиталын бағалау мәселелері қарастырылған.

Адами капитал – компания ішінде құрылатын төрт санаттағы материалдық емес активтердің бірі, оған бедел, деректер базасы және клиенттермен қарым-қатынас та жатады. Алайда ол ХҚЕС бойынша актив ретінде капитализацияланбайды.

Сондықтан, әсіресе консалтинг саласында жұмыс істейтін компанияларды талдағанда, қаржылық жағдай туралы есеп пен таза активтер әдісіне негізделген талдау компанияның нарықтық құнын көрсете алмауы мүмкін. Ал кірістер туралы есепті талдау және осындай материалдық емес активтер арқылы қалыптасатын ақша ағындарының болжамын жасау неғұрлым шынайы көрініс береді.